قصيدة فاكر للشاعر وائل سعيد
فاكر ....
لما كنا زمان صغار
كان الشباب قرة عينينا
كان احترام الكبار
فرض وواجب علينا
والرحمة جاية م الكبار
حنان ورفرف علينا
الكلمة كانت ليهم قرار
نناقشو بوقار وبسكينة
ولو شافنا واحد م الكبار
على شين تستحي عينينا
الرد على غلط الكبار
عيب وناخد المتينة
دلوقتي بقينا كبار
ربك يستر علينا
لوصدفك عيل صغار
ممكن يسقط لك رتينة
يسيبك واقف نهار
فى مواصلة ولا يسأل علينا
ولو كان ماسك سيجار
يسحب وينفخ علينا
لوقلت عيب فى ازدجار
قطعان وهجمت علينا
وعنيهم تطق الشرار
فيه ايه سبونا ارحمونا
لو كان ابن الجوار
تزيد المبلة طينة
خنفس عامل حمار
ومشيب نص المدينه
والتانى ماسك جيتار
يعكر مسامعنا القديمة
وزبلة صوته فنار
محدش يقدر علينا
لا حرمة لقرب الجدار
ولا حتى عيش الطبونة
...... وائل سعيد .....
📷
١١
تعليقان
أعجبني
تعليق
تعليقات
إرسال تعليق