قصيدة (حوار مع كورونا )للشاعر بو شعيب سايح
حوار مع كورونا
.........
سيري فحالك باراكا
....
سيري فحالك كورونا
ودوري ب100
بعدي علا خيامنا خلينا نلقاو لحباب
......
كون نشوفك نشنقك تشناق بالحق
ودافعي علا راسك
علاش تقتلي گاع هاد الخلق
......
گولي آش عندك نزمم كلامك
وانا حقاني معروف
تكلمي مضربيش الطم مالك؟
......
گالت الكورونا
آنا ماشي وباء ولا بلاء
أنا شيء من أشلاء
أنا الشيء من لا شيء
أنا الشيء من كل الأشياء
.....
وآش فهمتي شي ولا نزيدك شي؟
.....
گلتليها زيدي ما عندك يا بنت الهم
درتي مبغيتي فالناس وضربتي الطم
يتمتي ولاد ورملتي نسا وما تحشمي ؟
.......
گالت وعلاش نحشم وانا من غير روح
صوبوني شي وحدين معرفتش منين
لقيت راسي ضيفا عندكم من حين لحين
........
آنا راسي معرفاش شكون آنا والله منكذب
وآنا عارفا باللي ديما نتا عليا ديما تكتب
كتب وكتب وگول شكون أنا وزمم لكتاب
.........
زمم معرفتي عليا وما تخبي علا كل الناس
بللي آنا ماشي وباء ولا وسواس
هادي حرب بيناتهم
الصين والمريكان وشلا نآس
.......
گلتليها باللي نتي حرباء
تبدلي لونك فكل حين وحين
حنا نعرفو دوا ديال الوباء
فيه الشفا ويكون زين
.......
گالت بنت الهم
جابوليكم اللقاح ديال الصفة لقديما
وضحكت ضحكات
حسيت باللي كاينا تما شلا حكمات
.......
گلتليها نورينا يا لالا الكورونا
خوك بآقي بأغي يعيش
ويربي الريش
يولد لولاد معا مرا خرا من بعد عايشة
........
يتبع
د/بوشعيب سايح
تعليقات
إرسال تعليق